Yee- Oo Peng Kahdohnak Ah PDF 7 An Nunnak Liam
Sagaing ramtthen Yee-Oo peng Yuamita khua pawng ah tuzing ah PDF( Yee- Oo) le Ralhrang le Pyisawtthi fonh kahdohnak a chuak i PDF Yee Oo in minung 7 an nunnak liam.
Cu kahdohnak ah a thihmi PDF 7 hna an ruak cu ttha tein an khangh khawh cang tiah theih asi.
PDF Yee Oo hmunkhuarnak ah ral hmaiser in a rak rami kawl ralhrang le Pyusawtthi hna cu PDF nih an rak kham hna i kaphnih kahdohnak a chuah hnu ah hi a thimi PDF 7 hna hi an erh tonh hna i ralhrang nih an kahthahmi hna an si.
PDF YeeOo nihcun a nunnak liammi an ralkap 7 hna upatnak le nan rian nan lim ko cang tiah ngeihchiatnak cathanh an chuah.
Kahdohnak a fihhnunah ralhrang nih inn le saikel hna zong an duahhna.
#Irrawady
