Chin ramkulh Mindat peng huhimtu ralkap CDF-Mindat ralkap pakhat cu training an kai nak ah a rilfawnghlei a keh caah a nunnak a liam tiah theih a si.
CDF-Mindat Yoma battalion chungtel a si mi Salai Laihchoi ( ဆလိုင်း လိတ်ချွဲ ) kum 18 cu Mindat peng Suamti khua mi a si i SAC ralhraang dohnak caah a har ngai mi ei le um tuning training an kai cuahmah lio February 12 ah a rilfawnghlei a keh caah a nunnak a liam hi a si.
“khuapi Operation tuah awk ah tiin fak tuk in training an pek hna.an thiam deuh nak le an thawn deuh nak caah tiin rawl zong tha tein pe loin training an pek hna caah a tu bantuk a nunnak a liam hi a si” tiah a mah he aa naihniam mi pakhat nih Zalen ah a chim.
Salai Laihchoi (ဆလိုင်း လိတ်ချွဲ) cu a luancia 2023 August thla thok in dothlennak phu ah a lut mi a si i dothlennak chung a luh in thla 6 a si ah a tu bantuk in a nunnak a liam hi a si.
