2023 May thla dongh lei ah Bible sianginn kai ah aa thawh mi Kum (20) tluk Mindat Mino 2 hna cu Magway ramthen checkgate pakhat ah SAC nih an rak tlaih hna i minung 1 tlanh nak ah sing 100 a dih lai an ti caah sing 200 cu SAC sin ah pekchanh a rak si nain a tu ni tiang an thlah hna lo tiah theih a si.
“Phaisa sing 100 nakan pek cun kan in thlah piak hna lai an ti caah minung pakhat ca cu a chung le an i khawl i an va pek hna,a dang pakhat ca hi zeitin an pek ka thei lo.Tlaih khih an ton in tuni tiang ah thla 4 tluk a rau cang i an thlah hna lo leng ah thong tlak ding in biakhiah piak an si timi bia hna a leng ” tiah tlaihkhih a tong mi hna he aa naihniam mi pakhat nih The Mindat Post ah a chim.
Hramhram in uknak laak a si hnu ah Mindat mizapi chungin tlaihkhih a tongmi minung 54 an si cang tiah CDF Mindat nih 2023 April thla ah an rak thanh.
