Hramhram in uknak a laa tu SAC ralhraang le TNLA kar ah aluan cia September tla thlakhat chung ah kahdoh nak voi (41) a cuak.Hi kahdoh nak ah SAC ralhraang lei nih Van lei in kahdoh nak voi (20) leng a tuah i hriamngan voi (400) leng a kah tiah TNLA nih nihin October 7 ah a thanh.
Shan ram a chaklei Muse,Kutkai le Mogok peng chung ah kahdoh nak a chuah hi a si i ralhraang lei nih lbs 500 tluk a rit mi bomblian hna zong an hman.September 28 ah kaphnih kar kahdoh nak cu ngol a si nain ralhraang lei nih hriamngan cu pehtlai in an kah rih tiah TNLA in chimphuan nak nawl ngeitu Taa Aik Kyaw nih a chim.
“Hi kahdoh nak ah SAC lei hriamnam tampi laak a si, a thi mi zong an tam ko nain cazin fiang tein kan thei kho rih lo,ralhraan hna nih vanlei le hriam ngan kah mi ruang ah kum (11) hngakchia (1) telh in mipi minung (5) nak tlawmlo nunnak a liam leng ah mizapi inn a rawkral mi zong an um” tiah TNLA in chimphuan nak nawl ngeitu Taa Aik Kyaw nih Ayeyawaddy Times ah chim.
