Catialtu : Doris Rual Thang
CBN Health News, 19 Oct 2020: Thantlang Sizung ah operation tuahmi hih-sii, philh-sii, meh-sii, (anaesthaesia) chai loh ruangi a thi mi kha ka lung a tha ruam loh, Doctor mawh ah ka puh. Zei ruangah ti ah cun, amah Doctor biachim mi “hihsi kan pekmi hi hawi zat te in kan pek ko nain a thisa nih a chai deuh rua lo” ati an ti ruang ah.
Online Doctor ma si Lanbe Doctor (mi ta zoh chawm i camipuai awng mi) dah a si ti cu ka thei lo nain ka khuaruah a tamter ruangah awi dangah operation (surgery) tuah tik ah i ralrin nak ah tiah ka vun tial.
Sizung ah operation tuah a haumi cu thih le dam ri ah a um cangmi an si i an nunnak cu vawlei ah cun sibawi kut lawng2 ah a um. Mi zaw damlo taksa surgery tuah tik ah fah theihlo nak ‘Anesthesia’, hih-sii, Philh-sii, Meh-sii hman a si tawn, hi Anesthesia tangah hin medication agent phun phun a um: Nitrous Oxide, Propofol, Ketamine, Etomidate, Midazolam..etc… hi pawl vialte hi Surgery (operation) tuah lai ah fahtheihlo nak sii hman tawnmi Anesthetic Medication agent phun an si hna nain an reaction aa lo cio hna loh.
Mizaw damlo operation tuah ahau mi hna hi an taksa an hlai hlan ah Anesthetic sii pakhat khat an hman dingmi specification/ reaction le mizaw medication check list an zoh chung hrim2 ding a si, hihi operation tuahnak ding ah Doctor rian biapi bik a si, hihi daithlan sual ah cun Anesthesia sii hmangin operation tuahmi pa/nu thihter thai a fawite mi a si.
Cun, mizaw operation tuahmi paoh hi Anesthesia pek tik ah aa lo viarmi le aa zat viar in (hawi dang pek zat in) pek viar phung zong a si bal loh, cu bantuk i tuah a hmangmi cu kawlholh vun i hlan ah cun ‘Phit ta luu Doctor‘ an si hnga, hi ruangah number ah operation tuah hlan ah medication check list felfai tein ngeih hmasat a biapitnak a si.
Cozah sizung pakhat a si cangmi ah cun Anesthesia (fah theihlo nak) si pakhat khat a um viar, a sinain zeiruangah dah a serious deuhmi operation tuah a haumi kha sizung pakhat in sizung dang (hmunpi deuh ah) an tthial tawn? Doctor an si ve ko cu tah! A ruang cu health/Medication felfai te in an check i Anesthetis agent sii an ngeihmi le Supplement an ngeihmi an zoh tik ah operation tuah tik ah mizaw pumpak ah harnak a pek an phan ruangah Sizung dang hmunpi deuh ah an kuat tawnnak a si,.
Doctor pakhat nih fah theihlo nak sii le taksa hlainak a ngeih men men hi operation (surgery) tuahkhawhnak a silo tihi theih ah a tha. NUNNAK HI A SUNGLAWI.
Health/Medication check list ngeih hnu ah Ventilator le Supplement oxygen an herh zat khanh hman piak rih ding, Anesthesia riantuanning hi normally 0.5 to 2hrs an si tawn.
Allergic reaction, Health check
Zu ding sa ei mi le zuk hmawm a tawng mi, Cu hlan ah operation ai rak tuah bal ma ballo, cu hlan ah zei bantuk zawtnak dah a rak ngeih bal, blood group, eidin ah a taksa in a huatmi, biana bia ah pa eisual, a bikin arti ei ah pawhfah nganfah a ngei ma timi hna, a ruangcu sii tampi sermi ah hin arti aa telmi a si, luakchuah, áwk, khuh, thaw hah a ngeima ngei lo..etc.. tiangin Doctor nih a zohfel hnu ah Doctor nih felfai te in Anesthetic agent a hmanding timhtuahnak a ngei piak hmasat a hau.
Mizaw operation tuah dingmi zong nih a um tuning dikte le tlamtling te in ningzak lo te in sibawi an chimh a biapi tuk, cuti a silo ah cun i chuahsual a fawite.
Doctor thinrang tuk le i hnawh tuk i (phit ta luu i) tuah ruangah mi tampi operation tuahnak in an nunnak a liam cang.
Hihi keimah pumpak theih le hngalhmi silo in Doctor le Medical expert pawl nih an ttialmi tampi ka relmi chungin ka vjn langhter mi a si.
Doris Rual Thang (Ralpel)
