SAC Ralhrang Mawtaw 7 Bomb an puah hnawh, Ralhrang a thi mi le a hliam minung 80 tluk an si
Kawlin Peng Myitkyina Kal nak lam Cuntaung khua pawng ah PDF nih SAC Ralhrang mawtaw bomb an puah hnawh i mawtaw 3 a rawk, a thi mi he a hliam mi he minung 80 tluk an si, mawtaw chung ah a thi mi ruak le a hliam mi cu an phurh thup ko hna ti ah khua mipakhat nih a chim.
Tuzing Suimilam 10 tluk hrawng ah Myitkyina kal nak lam pi i a rak ra mi Ralkap hi Mawtaw 7 an si i, mawtaw pakhat ah minung 30 tluk hrawng an si lai i an dih lak ah minung 80 tluk cu an si lai tiah ruah a si, Hi Bomb a puah tu PDF nih an tuah mi asi tiah Khua mi pakhat nih Ayewady Time ah achim.
Hi bomb puah nak ah hin SAC a thi mi le a hliam mi 80 tluk an si i, PDF lei in minung 3 an i hliam ve tiah khua mi pawl nih an chim.
Kawlin pawng puah keh nak a um hnu cun SAC Ralhrang minung 200 renglo nih um hmun an rak khuar ti ah Ayewady time nih a langhter.
#Ayeyarwaddy-Times
