Shan ram chaklei Lashio peng Ping-Kan khuate ah SAC le chaklei unau ttangti phu hna kar ah kahdohnak a chuak than tiah theih a si.
SAC le Unau ttangti phu hna nih hmun rikhiahnak an tuah nak Ping-Kan khua lonh in SAC nih ral hmai an nor caah nizan March 26 chun slm 12 tluk khan kahdohnak a chuah hi a si i Lashio hram bunh SAC hmunpi in hriampi pehtlai in an kah bawmh hna tiah theih a si.
“Kap hnih kar kahdohnak fak ngai in a chuak i Lashio No.5 sang hrambunh mi SAC hmunpi in hriampi pehtlai in an kah.SAC lei nih rikhiahmi ramri lonh in ralhmai an nor caah kahdonak a chuah hi a si i SAC lei hnu an kir than” tiah Lashio khuami pakhat nih Ayeyawaddy Times ah a chim.
A luancia February thla thok khan SAC nih Lashio,Thibaw le Kyaukmee peng lei ah ralkap thazaang a chap hi a si.
Unau ttangti phu 3 le SAC kar ah 2024 January 11 i kahdaih hnatlak nak min an rak thut hnu in a tu hi a voi khat nak kaphnihkar kahdohnak a chuah than a si.
