2024 February thla chung ah kawlram chung hmunkip SAC kuttuar in Nu 30 nunnak a liam leng ah 17 cu tlaih khih an tong tiah Burmese Women’s Union (BWU) nih nihin March 6 ah an thanh.
February thla chung ah tlaihkhih a tongmi Nu pawl hna hi Yangon,Mandalay,thaninthary le Shan ramkulh chungin an si hna.
A nunnak a liammi minung 30 lak ah hriampi kuan nih hliam ruang ah nunnak liam mi 9,Vanlei kahdoh nak ruangah nunnak liam mi 7,meithal in kah ruang ah nunnak liam mi 5,Tlaih khih ton hnu ah thah a tongmi 5,hrem hnu ah thah a tongmi 3 le mei khangh in thah a tongmi 1 an si hna.
Hi hna chung ah Sagaing ramthen chungin minung 15 in a tam cem an si i Magway ramthen chungin minung 6 in a chang tu an si.
2021 February 1 SAC nih hramhram in uknak a lak sin in 2024 February 28 tiang ah kawlram chung hmunkip in Nu 806 nunnak a liam cang i 3,332 tlaihkhih an tong cang tiah theih a si.
