Ralhrang Nih Nu Farual 3 An Khangh Hna
===============================
Sagaing ramtthen, Kalaymyo peng, Chaungkhuah khua in Khuaicing khua ah ral a zammi nufarual 3 hna cu ralhrang nih mei in an khangh hna tiah theih asi.
Chaungkhuah khuami nufarual 3 hna cu ralhrang nih February 23 zing slm 8:00 hrawng ah an i hruai hna i February 24 zing slm 11:09 ahcun Khuaicing khua pawng Pee cinnak hmun ah thlam he an khangh ttinak hna an ruak an va hmuh hna.
” An pa le an fapa pahnih hna tucu an tlai hna lo i, Annu le a fanu le pahnih cu ralhrang nih an i hruai hna, an fapa le pahnih cu an ttap peng, An pa zong cu a lungre thei i a nupi le a fanu pahnih kir lai lawng a hngak ko, Nain tuzing tu ahcun an i hruai hna nak hmun in chaklei kap tlawmpal a va hlatnak hmun ah thlam pakhat he an khangh tti hna i an ruhro tu cu PDF pawl he kan va char hna ” tiah chungkhar he naihniam mi pakhat nih a chim.
Ralhrang nih an tlaihmi hna nufarual 3 hna cu annu hi Pi Nu Lian@Daw Khine Khine Htwe(kum 40) le a fanu pahnih hna Ngun Za Thian (kum 15le) Thian Nun Cawi (kum 13) an si i a pa sin ah ummi pa hngakchia pahnih hna cu kum 7 le kum 6 minung lawng an si rih tiah theih asi.
Chaungkhuah khua hi inn 300 hrawng an si a remnak hmunhma paoh ah ral an zaam cio i ralhrang pawl an umlo kar paoh ah khuachung ah an rak lut tthan tawn.
