PDF- Kalay Tatsuhhmu Pakhat Ralhrang Nih An Tlaih, A Zeng I A It Komi A Pa Zong An Velh
Sagaing ramtthen, Kalaymyo ah inn i chikkhat a rak tlung tami Kalay-PDF Battalion (5) in tatsuhhmu pakhat cu a innchung ah ralhrang nih an luhhnawh i an tlaih tiah Voice of Kalay nih a ttial.
Nizaan, Febuary 2 zaan slm 6:00 hrawng ah Kalaymyo, Chanmay Aungsay veng, 228 Road pawng Taunggyi daanpoh zuarnak hnu lei ah a ummi Kalay PDF tatsuhhmu U SaiYe Yenh@ Thar Doh cu ralhrang nih inn a tlun caan lio te ah a inn ah luhhnawh in an tlaih hi asi. Inn pawngkam ummi dalaan nih thawngpang a pek hna caah si kho men tiah zumh adi.
U Sai YeYenh@Thardoh inn ahhin a zeng i a it komi a pa a um i a pa zong cu ralhrang nih an tuk velh chih tiah theih asi.
Rakhrang nih U Sai Ye Yenh an tlaih in a phone an chek i a mah he ai pehtlai mi paoh tlaih an timh hna caah amah he ai pehtlaih mi paoh nih i ralrin ding ah Voice of Kalay nih ralrinding a thanh chih.
