Nihin chun ah Hakha khuachung ah COVID-19 in minung pahnih an nunnak a liam, tiah thawng kan theih.
A nunnak a liammi hna cu Sayamakyi Pi Hrang Kip Men, Pu Cung Kam hna hi an si.
June 10 in August 7 tiang ah Hakha ah COVID-19 in minung 17 an nunnak a liam cang.
June 10 in August 6 tiang, Hakha ah minung 1,817 an check cang hna i cu chung ah cun minung 432 sin in zawtnak hmuh a si.
Zawtnak a ngeimi minung 432 chung ah minung 303 nih damnak an hmu cang.
An zohkhenh liomi hna mizaw 106 an um, tiah Hakha Township Public Healthcare nih August 5 ah a langhter.