Pyi Oo Lwin he aa naih bik mi Nawnghkhio khuapi cu TNLA le Ttangti phu hna kut chung a phan cang tiah khuami hna sin in theih a si.
TNLA le Ttangti hna nih hin June 25 ah Nawnghkio khuapi chung um mi SAC hmun khuarnak Palik sakhaan,khuacaan lei zung,Sizung le ralkap pension zung tibantuk an laak hnu ah khuapi cu an tlaih khawh hi a si.
Khuapi cu TNLA le ttangti phu kut ah a um cang i a tu ah SAC IB 114,115 le khuapi in a thlanglei ah a um mi SAC hriampi battalion hnu cu an tuk cuahmah tiah theih a si.
“Khuapi chung cu dothlennak ralkap kut chung a phan cang nain SAC nih khuapi chung ah hriampi a kah peng caah tualchung mi cheukhat zong an a thi mi an um len.khuapi chung kahdohnak ah hin SAC lei a thi le hliam an tam ngai ngai i khuapi chung ah an ruak char tu um lo in an um ko hna” tiah khuami pakhat nih a chim.
SAC ralhraang lei nih Nawnghkio le a pawngkam hna cu Phone le internet line a phih hna i khuami tampi zong hmun him kawl in an zaam hna. A tu ah hin Nawnghkio,Mogok le Kyaukme peng chung hna ah TNLA le SAC karah kahdohnak a chuahk cuahmah tiah TNLA lei nih June 25 ah khan thawng an thanh.
