Myinmu,Muumandalay khua ah SAC ralkap nih mipi 60 hrawng an tlaih hna i 4 an thah hna,Sarlingyi peng ah mipi 5 SAC ralkap nih an thah hna
Sagaing ramthen,Myinmu peng,Muumandalay khua ah SAC ralkap nih an tlaih mi mipi 60 hrawng an si.July 27 ah pa 4 cu an thah hna i tuni July 28 zong ah an thah chap mi hna an um nain a tlawm tam a fiang in theih a si rih lo tiah theih a si.
Muumandalay cu SAC ralkap nih July 27 zing sml 9 hrawng ah Mi 35 ral vanlawng in le hriamngan in an kah hna.Muumandalay khua cu an luh i phungki pawl umnak ah an um.Khua mi a cheu khat cu an tli manh nain an tlaih mi hna an tam tiah theih a si.
Cu an tlaih mi hna chung in 4 cu SAC ralkap nih July 27 ah an thah hna i tuni July 28 zong ah an tlaih mi hna chung in pa pawl cu an thah chap hna tiah theih a si.
“Mipi 4 an thah hna,pa a tam deuh cu an thah hna tiah kan theih.A tlawm tam cu a fiang in theih a si rih lo tiah Sagaing news pakhat i tuanvo ngei tu nih a chim.
Cun Sagaing ramthen,Sarlingyi peng,Ye Min Tuang khua in mipi 5 cu SAC ralkap nih an thah hna tiah Sarlingyi peng news pakhat nih a chim.
July 25 zaan ,Sagaing ramthen,Yinmapin pengkomh,Sarlingyi peng,Ye Min Taung khua ah SAC ralkap nih umnak hmunhma an la i Ye Min Tuang khua mi 5,U Chit Shwe,Ko Aung Moe,Ko Aung Khine, le min theih lo 2 hna cu an thah hna tiah theih a si.(Crd.Khit Thit Media)
