Myaing,Siangguang Khua Cu SAC Ralkap Nih Mei An Khangh I Inn 40 Leng A Kang,PDF Ralkap Pakhat Zong An Tlaih I An Thah.
=======================================================
Magway ramthen,Myaing peng,Saingguang khua cu SAC ralkap nih nihnih chung mei an khangh i inn 40 leng a kang tiah khuami sinin theih a si.
SAC ralkap nih Saingguang khua cu September 18 le 19 ni ah mei an khangh i mipi inn inndong 45 le ar inn pawl an kang tiah theih a si.
“Saingguang khua cu SAC ralkap nih September 18 le 19 ah mei an khangh.Ni khatnak ni ah inndong 5 le ar inn pawl a kang.Ni hnihnak ni ah cun inndong 40 a kang.Khua chung inn zapi hi inndong 300 hrawng a si.Khua in chakleikap deuh hi an khangh.Khua ah a um mi Pyu Saw Htee pawl le SAC ralkap thazaang 150 hrawng an si” tiah khuami pakhat nih a chim.
Saingguang khua cu SAC ralkap nih an khangh hlan September 18 ah SAC ralkap le mipi vengtu phu kar kahdohnak a chuak i mipi vengtu phu nih hramngan 60 MM,80 MM,120 MM pawl in an kah hna ruang ah SAC ralkap lei a thi mi le a hliam mi an tam nain a zat a fiang in theih a si rih lo tiah theih a si.
SAC ralkap cu Pakokku mipi vengtu phu(PPDF),Yesagyo,Myaing,le Pakokku ah a um mi ပကဖ phu fonh nih an doh hna i kahdohnak chung ah PDF ralkap pakhat cu SAC ralkap nih an tlaih i an thah tiah theih a si.(Crd.Khit Thit Media)
