Myaing peng,Poutpinkine khua cu SAC ralkap nih mei in an khangh i inndong 38 a kang,SAC ralkap nih Pakokku le Myaing pawng um khua 7 cu mei in an khangh
Magway ramthen,Myaing peng thlanglei kap Poutpinkine khua cu SAC rallamsial ralkap nih August 10 zing sml 7 hrawng ah mei an khangh i inndong 38 a kang tiah M.V.P Revolution Force sinin theih a si.
SAC ralkap nih Poutpinkine khua cu August 9 zaan sml 12 hrawng ah an lut i khuami inn inndong 38 cu mei in an khangh.Cun mipi 3 cu lam hmuhsak tu ding ah an tlaih hna i zaan ah an thlah than hna tiah theih a si.
Cu ka khua i a um mi khuami pawl cu himnak hmun ah an tli tiah theih a si.
SAC ralkap nih August 11 zing sml 7 ah Myaing peng Pantinetaw khua cu mei in an khangh i zing sml 9:30 ah Nyaung khua cu mei an khangh chap.Nizaan zaanlei ah Pout peng le Pakokku peng kar a um mi Yehtwat khua cu an khangh i Myaing chung ah a um mi Thitpulway khua,Yehtwat,Nyaung,Tharsi,Hnansekaan,Ooyin,Poutpinkine khua pawl cu nithum chung SAC ralkap nih mei an khangh tiah theih a si.( Crd.Khit Thit Media)
