Mizo ram University ah research tuah ding caah Myanmar ralzam 5 cu scholarship pek ding in an auh hna
India, Mizo ram, Aizawl peng um Mizoram University ah research scholarship pek ding caah Myanmar ralzam 5 cu August 8 ah Institute of Chin Affiars nih an auh hna tiah theih a si.
Institute of Chin Affairs le Mizoram University nih Research Centre pakhat cu awn ding in 2022 thlali thla ah kaphnih hnatlaknak (MOU) cu min an thut i Mizoram University ah Myanmarsar zong chimh a lai tiah (ICA) sinin theih a si.
“Mizoram University he Research Centre pakhat awn ding in hnatlaknak biahren kan tuah.Mizoram University ah Myanmarsar chimh ding in an mah lei nih offer an kan tuah.Cu leng ah cu Research caah sianghngakchia 5 cu kan auh hna.A bia pi in kan auh mi ah hin Mizo ram ah a phan mi Myanmar ralzam pawl cu papek deuh an si lai.Lai mi long si lo in Mizo ram lei ah a rak phan mi Myanmar ram mi vial te nih sawk khawh a si.Kan project ningin tu kum kum khatnak cu 5 long kan auh hna” tiah Institute of Chin Affairs i tuanvo ngeitu sayamah pakhat nih a chim.
Boih pakhat khat a la cang mi caah Research scholarship hi sawk a ngah i zei boih ti mi um lo in Research lei ah hmunh tonnak tam a ngei mi pawl papek deuh an si lai.
Scholarship nan sawk ding a si ah cun personal information, Research nan duhnak kong,Research tuahnak ah zei kong dah hmai hoih in research tuah ding le hman ning cang pawl cu cahmai hmai khat in tial i [email protected] ah kuat ding a si lai tiah theih a si.
Cu scholarship pek ding 5 cu sianginn ah an herh thilri pawl an pek hna lai i cu fimnak an cawn chung ah sainginn man le ei/din man zong Institute of Chin Affairs nih an bawmh hna lai tiah theih a si.(Crd.Ayeyarwaddy Times)
