Rakhine ramkulh,Minpyia khua um SAC ralkap minung 60 leng nih nihin February 6 zinglei sang ah AA sin ah hriam an chiah i motor 3 in an kalpi hna tiah Minpyia khuami nih Western News ah an chim.
Minpyia khua hrambunh SAC LIB 380 cu a luancia January 28 ah khan AA nih an rak laak cang i a taang mi SAC LIB 379 le 541 battalion sakhaan hna cu AA nih an doh hna hi a si cu sakhaan 2 zong cu an laak khawh cang timi thawng a leng nain thawng fiang a chuak rih lo.
“Tuzing zinglei slm 9:00 tluk ah hriam an chiah hi a si.minung 60 leng an si i AA nih motor pathum in an phurh hna i an kalpi hna” tiah mit hmu tu pakhat nih a chim.
Mipyia le Myauk Oo khua hna cu SAC nih Jet Fighter le Helicopter hna hmangin SAC nih voi 30 leng kahdohnak an rak tuah tiah theih a si.
Minpyia khuachung ah hin SAC ralkap LIB 379,380 le 541 hna an um i cu hna nih aluan cia kahdohnak chung ah hriamngan an kah caah tualchungmi minung 100 leng nunnak a rak liam.
