Minkin peng ,Zanvin khua ah kum 8 ngakchia pakhat an kah thah.
============================================
January 13, 2022
Sagaing ram ,Minkin peng ,Zanvin khua nizan January 12 ah council ralkap pawl cu khua chung ah an lut.Khua mi pawl cheukhat cu chihkhat an tlaih hna ii kum 8 Mg Aung Kyaw Hein cu an kah thah tiah khua mi nih an chim.
Khua mi pawl an phone cu council ralkap nih an lak piak hna ii Mg Aung Kyaw Hein nih a hal than ruang ah an kah thanh nak a si tiah khua mi nih an chim.
Atu cu ralhrang pawl khua chung in an chuak cang .Khua mi pawl an phone cu a dih lak in an I lak dih tiah khua mi pakhat nih a chim.
Council ralkap lei nih Zanvin khua ii Mg Aung Kyaw Hein cu PDF nih an kah ruang ah a thi tiah nizan January 12 ah cathanh an chuah.
Asinain PDF nih council ralkap nih an tuah mi si ii mipi tehte an um tiah an lehrulh hna.
Atu lio ah Minkin khua chung ral doh nak cu adai ii council ralkap nih an kan doh ah cun kan doh colh hna lai tiah PDF nih an chim.
AAPP nih council ralkap nih uk nak an lak hnu in ngakchia 88 cu inn um lio,clinic an kal lio,lam an kal lio ,lentecelh lio,an zaam lio ah ralkap nih an kah hna ruang ah a thi mi an si tiah an thanh.
