Military Service Law ( kumtling paoh ralkap luh viar ding) thok khawh nak ding ah a herh mi inn le lo training pek nak ding siangin vialte timhcia a si dih cang tiah SAC ministry of defense in General Htin Aung San nih media sin ah a chim.
Tukum February thla 10 ah khan hi nawl hi an rak chuah mi a si i April thla thok in voikhat tintaan pek ah minung 5,000 kan kawh auh lai tiah an rak thanh.
Hi kong he pehtlai in ramkip in dohdal nak a um ko nain SAC nih cun Military Service Law a nun khawh nak hnga tawlrel tu bu a ser i pehtlai in a tawlrel cuahmah.
Cu tawlreltu phu ah cun a tu SAC chung i runvennak palai a si mi General Htin Aung San cu Chairman a si i General Maung Maung Aye cu Vice Chairman a si.hi phu ah minung 18 an itel tiah theih a si.
Hi kong he pehtlai in NUG nih cun SAC chuahmi nawl cu zulh a hau lo i hi phung a kal khawh nak hnga a bawmtu vialte dan tat nan si lai tiah a thanh ve.Military Service Law chung ah hin Pa a si mi paoh kum 18 -35 kar le Nu paoh kum 18-27 kar vialte ralkap rian luh viar ding ti a si.
SAC chuahmi nawl a zul lo mi paoh kum 5 thong thlak an si lai tiah an thanh chih.a tu bantuk Sac nawl chuahmi kong ah ramchung um mino tampi lungre a thei ngai i micheu cu ramdang kal aa hnawh mi an um bantuk in micheu cu PDF sin a lut mi zong an tam ve tiah theih a si.
