Chin ramkulh Matupi hrambunh SAC IB 304 battalion in ralkap thazaang minung 200 tluk cu Matupi in Mindat lei ah ralhmai an nor i Chanpian khua an phak ah CDF-Matupi nih bomb an rak puah hnawh hna caah minung 6 nih hliam fakpi an tuar tiah theih a si.
Cutin a tuar fak mi SAC hna nih Chanpian (B) khua cu a zapi ngawt in mei in an duah tiah theih a si.SAC ralkap 200 chung in 100 tluk cu Matupi khua ah an kir than i midang 100 tluk cu Chanpian khuah hmun an khuar ko rih caah zeitikcaan poh ah kaphnih kar kahdohnak a chuak kho mi a si caah mizapi iralring ding in le ramvaih lo ding in CDF-Matupi nih theihternak an tuah.
Matupi khua hrambunh SAC IB 304 battalion ah hin 2023 December thla lio ah Thaiboi sakhaan a chuah tak mi hna le 2024 January thla chung ah Samee No.2 Byuha sakhaan a chuahtak mi hna an rak ifonh caah thazaang an tam ngai tiah theih a si.
