Mandalay khuapi la ding in Shwe Pyi Soe Operation cu nihin November 13 thok a si cang nak kong Mandalay khuapi chung ah caa chuah in mipi hna theihter nak kan tuah hna tiah Mandalay pengkomh battalion 4 commander Bo Tta Tte nih Khit Thit Media ah a chim.
Nihin November 13 ah Shwe Pyi Soe Operation thoknak ah Mandalay pengkomh kokek lei zung hmai um no.2 electric zung le Tama ttan um ralhraang seh thilri chiahnak hna ah drone in bomb kan thlak leng ah Taung Ta Mann lampi cung ah Mipi humhim tu phu PDF thantaar kan taar cang tiah a chim.
Hi operation aa thok cang caah mizapi hna nih ralhraang sakhaan le a dang ralhraang hmun khuar nak he naihniam in an um lo nak ding ah a tu bantuk in ralrin nak kan pek hmasa hna hi a si tiah a chimchap.
Cu operation chung ah cun Mandalay pengkomh battalion 3,4,5 le battalion 6 hna ibawm in ibawm in kalpi a si lai nak kong mipi sin ah thawng an thanh hi a si.
