KNU brigde 5 hmun ah nizan council ralkap le KNLA kar kah doh nak a chuak ,council ralkap 8 hliamhma an pu.
========================================================
January 18 ,2022
KNU brigade 5 hmun Papum peng,Dwelo (ဒွယ်လိုး ) le Htwe Seeuu (ထွီသီးအူ) ah nizan January 17 ah council ralhrang le KNLA kar kah doh nak voi 3 a chuah.Ralhrang 8 nih hliamhma an pu tiah theih asi.
“Nizan sml 11:55 Dwelo le Mahtaw( မာထော)kah doh nak voi 2 a chuah.Voi khat nak ralkap 4 ,voi hnih nak ah ralkap 2 nih hliamhma an pu .Zanlei sml 3 ah voi khat a chuak than.Ralkap 2 nih hliamhma an pu’’ tiah KNU brigade 5 nih Yangon Khit Thit ah a chim.
KNU brigade 5 hmun Kamaung (ကမမောင်း) peng,Maepali (မဲပလိ)khua ah council ralkap kuttang BGF battalion 1014 sakhaan cu KNLA battalion 102 nih January 16 ah an kah doh hna .Cun mei an kangh dih hnu ah khua pawng internet line, phone line pawl zong a rawk tiah theih asi.
“Maepali sakhaan an kah doh hnu ah phone line le internat line a rawk .Pawngkam khua mi phone pawl zong council ralkap nih an check hna ’’tiah brigde 5 nih achim.
Maypali sakhaan kah doh nak ah BGF phu pakhat a nung in an tlaih,KNLA ralkap 2 hliamhma an pu tiah theih asi.(Ref:Khit Thit media)
Photo : KNLA brigade 5 phu (old photo)
