Shan ram chaklei Kutkai peng ,Namh Hpat Kar ah KIA nih nizan January 16 ah an kah i a tla mi SAC FTC 2000G Jet Fighter a mawng tu ralbawi pahnih cu a hmun ah an thi tiah theih a si.
Hi Vanlawng hi KIA brigade 4 le K-PDF phukomh hna nih nizan January 16 chun slm 11:40 tluk ah an kah mi a si i Namh Hpat Kar SAC 123 battalion sakhaan pawng hrawng ah a tlak hi a si.
“KIA lei nih an kah mi hi FTC-2000G phun Jet fighter a si i a mawngtu Captain Kaung San le Major Aye Myint hna an thi” tiah thawng fiang theitu nih Mekong News ah a chim.
“SAC 123 battalion sakhaan ah hin ralhraang an taang rih, Vanlawng a tlak nak ah SAC ralkap minung 10 an ra i cu hna cu KIA nih an kah hna caah minung 4 an thi,a thi mi ruak cu an dawh hna i an kir than.SAC an sakhaan hi a kau tuk acre 50 tluk a si caah ralhraang a taang mi zong an um ve rih” tiah a chim chap.
Cu SAC Jet Fighter cu nizan January 16 zinglei slm 9:30 tluk ah Namhkham vanlawng bual in Namh Hpat Kar lei ah bomb thlak ding in a kai mi a si tiah theih a si.tuluk siam a si i pilot pahnih nih mawngh mi FTC2000G a si.2022 November thla ah khan SAC nih tuluk sin ah 6 a rak cawk.pakhat ah US $ 8 millions leng a si tiah kan theih.
