Khayan Peng Ah Thil Zuar Kal Mi Pa(2) Motorcycle An I Phirh Caah Ralhrang Nih Voi(3) A Bengh Hna
Khayan peng ah nihin December (8) zing thil a zuar mi pa(2) cu khualuhnak gate hngak ralhrang nih pa(2) Motorcycle cit a ngah lo nan thei lo ma tiin an bengh hna tiah khua mi sin in theih a si.
“Gate kan phak ah kan Motorcycle cu an dir ter zei bantuk minung ah nan i ruah tiah kan hmai voi thum an an bengh” tiah hmaibengh tong mi he neihniam mi nih Ludunweoo ah a chim.
An bengh hna hnu in an hmurhuh an phoih ter hna i hi hnu nan rat cun Mask i hup ti hlah uh tiah an ti hna tiah a chim chih.
December (5) Khayan peng ralhrang riahbuk le fimthiamnak zung PDF nih an kahdoh hna hnu in Khayan peng ah ra mi nu siseh pa siseh pahnih cit lo ding in nawl an chuah.
December (6) Khayan peng tattaw gate hngak mi ralhrang kahdoh an ton hnu in Khayan peng chung ah ralhrang thazaang an chap i mawtaw a hme,a ngan fonh (9) nih zaan fatin ral an ven tiah cu ka hmunhma um mi sinin theih asi.
A luancia caan zong ah ralhrang khin khua ukbawi theih pi nak ca an i ken lo caah Khayan peng chung an luhter lo mi hna zong an um.
People’s Spring
