Khah- Mah- Yah (642) In Ralkap Myo Lwin Oo KNU Brigade 5 Ah Ai Fon
====
Karen ram, Phapon khua ah hram a rak bunhmi Kawl ralkap Khah- Mah- Yah (642) in ralkap Myo Lwin Oo cu ralhrang hna i hruhru hranghrang an thil tuahmi cu a duhlo caah KNLA sin ah a rak i fon tiah KNU Brigade 5 nih January 28 ah thawng an thanh.
2021 February in December thla tiang ah KNLA sin ah kawl ralkap a rak i ap mi minung 47 an si cang tiah KNU/ KNLA Brigade 5 nih an record ning in theih khawh asi.
Tuban tuk in a rak i apmi kawl ralkap hna cu KNU/ KNLA Brigade 5 nih lunglawm tein kan don hna i Inn tlun an duh ah siseh, KNLA sin i um an duh ah siseh a ttha bik in kan tawlrel piak hna lai tiah KNU/ KNLA Brigade i Brigader Saw Moe Hey nih a chim.
KNU/ KNLA Brigade 5 ah a rak i ap mi ralkap hna cu ttha tein kan zohkenh ko hna tiah KNU nih cathanh a chuah.
Ref# Khit Thit Media
