Kawlram Lemcang Minthang Nay Toe Nupi Ngei
Febuary 5,2022
Kawlram Lemcang hna lak ah minthang ngai a si vemi Arakan(Rakhihne) miphun Lemcang Nay Toe@Nay Lin Aung cu Febuary 5 zing ah Arakan phunglam ning tein nupi a ngei cang.
Lemcang Nay Toe cu nikum (2021) ahkhan nupi a ngei cang lai tiah thawngpang a rak chuak ngai nain rai le ral ruang ah tlamtlinlo nak a tam tuk caah nicaan an thawn i Tuni Febuary 5 tu sh a chuahsemnak khuami simi Thay Soh Shwe he tthitumh puai an tuah hi asi.
Lemcang Nay Toe nupi Thay Soh Shwe cu a pasal Nay Toe i a chuahsemnak Man Aunggyun khuami si i Bank rianttuanmi a si tiah tualchung mi hna nih an chim.
Kawlram Lemcang ah minthang ngai asi Nay Toe nupi tthit kong ah cheukhat a fans pawl nihcun Nay Toe a paam tuk tiah an zai len nain, Cheukhat nihcun nupi tthit a tlolh cang caah a tha veko an ti ve.
