Thantlang khualuh lai ah phum a tongmi Malaysia tlunh mi Mai Sui Hlei Tial ruak kong fianternak ah ruak umkalnak ah a bawmtu Thantlang peng Sipin lutlai Pu Ram Khar nih Thantlang Covid-19, I Runven Nak Main Committee chungah Laimi “Kan Phung le Lam Sining A Thei Mi Pakhat Hmanh An Um Lo” tiah a fianter chih.
Nu Sui Hlei Tial hi Malaysia ram ah 29 September 220 zaan Suimilam 8 :00pm (Malaysia local time) ah inncubg in a tla a thi mi a si. Malaysia ram in Yangon khua tiang, Yangon in Mandalay tiang an tlunpi khawh.
Zarhpi ni a rak phan i Pu Kap Tir Thang le Pu van hngak cu an ra than A tu hi kan Nau nu Ruak cu Pungtawng PungNgia an phan cang an ka ti I si maw ka ti Myone Ohchohzi hmu le Myone TMO Dr. Pa phone ka chawnh hna thilsi ning ka chimh hna tik ah a duh an duh lo. Cu ti si le Malay -Yangon- Mandalay zong cu an ra cang ko le ka ti zong ah an duh bak lo Ph Speaker ka on I kan I chawnh mi zong cu an ngaih ve ko a duh bak an duh lo kir pi ko hna seh si lo le Hakha ah Vui ko hna seh an ti ko .
tiah Pu Ram Khar nih a tial. Cu ti Thantlang GAD le TMO nih an duh lo tikah Thantlang khuachung luhpi loin khua hel lam in tiah nawlpiak zong ah an duhlonak kong cu Pu Ram Khar nih hitihin a hcim.
A dongh nak ah ka ti mi cu Khua chung luh pi lo in Khua vel lam in Thlan Mual ah kan luh pi lai ka ti hna Cu zong cu an duh lo .Ti awk kan thei lo a si poh si seh kan ti I Kal ding le don ding in kan khan.
tiah a tial.
Thantlang khuapi Covid-19 I Runvennak Main Committee hna hi a tanglei minung paruk hi an si tiah theih a si.
- Myone Ohchohzi Hmu —U Aung Shwe Myint ….Chiarman
- Myone Cianma Zi Hmu ngandam Lutlai TMO , U Thun Pua — Secretary
- Myone Lahwah Kah hmu ..Member
- Myone Pingngazi Hmu . .. member
- Myone Yehmu Palek Bawi .. Member
- Myone Tatana Zi Hmu .. Member
Hi Komiti kong he pehtlai in
Khua Nupa kan I tel lo . Sipin Committee zong kan I tel lo Mino Bu zong kan I tel lo . Lai lei (Laitlai) minung Pakhat zong kan I tel lo . CUng lei nih mah ti ning in Committee ser uh ti maw si an mah te in an ser mi si tu hi kan thei lo .Hi Main Committee ah hin Laitlai Pakhat tal cu kan I tel hrim hrim ding si . I tel uh sih law mah bantuk thil (Piahtana) hi a chuak hrim hrim lai lo .Mah hna nih hin Kan lai Phung le Lam Kan Sining hi a thei mi Pakhat hmanh an um lo . Kan Chimh hna zong ah Zei ah an kan rel piak lo.
tiah Thantlang Sipin lutlai Pu Ramkhar nih a tial chih.
Thantlang khualuh lai ah phum a tongmi Mai Sui Hlei Tial ruak cu zahan zaantim ah a thli in nawlngeitu hna nih thlanhmun ah an thial ter hna i, ruak tawngtham tu minung pali lawng onh an si tiah ruak hlainak le thialnak ah a kal ve mi pakhat nih CBN ah a chim.
Laimi phung le lam ah khua leng ah mithi khua leng ah phum timi cu sarthih in a thi mi hna lawng hi an si tawn ti a si. Social Media cung ah Thantlang COVID-19 Runvennak Komiti khuakhannak cung ah fak piin duhlonak le soiselnak a chuak. Ruak phum a si hnu nikhat ah ruak thial a si i, hi khuakhannak le riantuannak kong ah nawlngeitu hna nih thawngfianhnak an tuah lo. CBN News zong nih Thantlang GAD, TMO le tuanvo ngeitu hna cu pehtlai an si nain atu tiang caan an pe kho lo.
