Sagaing ramthen,Kalaymyo in ral a zam mi chungkhar pakhat hna nih SAC tarh mi bomb an i lamh sual caah kum 2 ngakchia te a nunnak a liam leng ah kum 30 tluk a si mi anu le a pa zong hliam an tuar tiah theih a si.
February 29 ah kahlay khuachung kahdohnak a fah tuk caah cycle in Cekaan khua lei ah ral hrial ding in an kal i Cekaan khua an phaak ah a tu bantuk vanchiat an ton hi a si.
“February 29 chun hrawng ah khan Kalay khuachung in an chuak.Cekaan khua an phaak ah bomb an ilamh sual hi a si i ngakchia cu a hawng ah a khen caah a nunnak a liam.a nu le pa zong an ke le an el hna ah hliam an tuar, an ruh a khenh hna caah an hliam a faak ngai” tiah dothlennak ralkap pakhat nih Zalen ah a chim.
Kalay khuachung ah le a pawngkam hna ah SAC le dothlennak ralkap hna karlak ah kahdohnak fak piin a chuah caah khuami hna nih khuapi chuahtak ding tiah Kalay Pahkahphah nih thawng an thanh caah khuami hna cu Khua chuahtaak in ral a hrial mi an tam tiah theih a si.
