Sagaing ramthen,Kalaymyo ah thaizing November 24 thok in vanlawng a chuak than cang lai tiah theih a si.
November 21 zinglei sang ah Kalaymyo vanlawng bual pawng ah puah keh nak a chuah caah November 21 in 23 tiang vanlawng a chuak ding phih a rak si.
“Thaizing November 24 in vanlawng a chuak than cang lai.a cuak ding mi hi Kalay-Yangon, Kalay-Monywa le Kalay-Mandalay hna an si lai i nidang nak in a chuak mi an tam deuh lai. Tuan i a chuak lo mi ai ah tam deuh in an chuah timh a si” tiah Kalaymyo vanlawng ticket agent pakhat nih Zalen ah a chim.
November 21 – 23 kar vanlawng ticket a rak caw tu hna chung in phaisa khirh than lo mi hna cu thaizing vanlawng ah a si khawh ning in tawlrel piak an si lai tiah a chim.
Ram a buai hnu ah Chin ramkulh telh in kawlram chung hmun kip ah kahdohnak a chuah caah vulei lei khualtlawn a tlamtlin ti lo caah chin state chaklei um mizapi tamdeuh nih khual tlawn nak caah vanlawng deuh lawng an hmang cang hna tiah theih a si.
