Kalay peng ah SAC nih a ruang um lo in an kah caah mipi pakhat a nunnak a liam
Kalay peng,Chan Myae Aung Si sang ah a um mi Pu Muan Sunh Khai (29) cu July 9 ,zaanlei ah cycle a mawng lio ah Seikanthar(ဆိပ်ကမ်းသာ) bazaar pawng ah SAC ralkap nih an kah. Siizung ah an kal pi colh nain July 10,zinglei 3 ah a nunnak a liam.
Pu Muan Sunh Khai inn in 2mins hrawng a hlat mi a hawi le inn ah kal ding in a fa nu le a hawi le 2 he an kal i inn in an chuah 1mins hrawng ah an kah hi a si tiah a hmu tu pakhat nih a chim.Cun a hawi pakhat zong a ke ah an khen tiah theih a si.
A ruak cu a khua simi Tidim peng,Haiciin khua ah an kal pi i tuni July 11 ah an vui tiah theih a si.
Pu Muan Sunh Khai hi hngakchia 3 le a nupi a tan tak hna i hngakchia bik hi a thla lg si rih tiah theih a si.(Crd.Zalen)
