Kalaymyo in Laitlang Hakha lei kai duh ah cun motor cit man ah Kyats singkhat 100,000 tluk a phan cang tiah Kalay ummi pakhat nih a chim.
“Minung pakhat ah 70,000 kan pek mi zong a um i cheukhat cu 100,000 leng a kan hal mi zong an um hna pakhat le pakhat an i lo cio lo” tiah a chim.
Kalay in Hakha lei kainak lampi Kalay-Taingen lampi cu tualchung hriamtlai le SAC kar kahdohnak a um lengmang caah 2023 November thla thok khan tualchung hriamtlai nih rak phih a si cang i Kalay khuadongh Khaikam zong in SAC nih an phih ve tiah theih a si.
Kalay-Taingen in laitlang lei kai khawh a si lo caah Kalay-Waibuala lampi hmang in kal a si tawn i cu lampi hmanh cu SAC lei nih kal khawh lo ding in kham nak hna a um pah tawn tiah theih a si.
“Kalay Khuapi chungin motor icit ngam a si lo caah Kalay gate nih an tawlrel mi cycle maw kethum ngei maw icit in khua leng phak hnu ah motor kan icit than i cu tic un khualtlawn a si” tiah khual tlawng pakhat nih Chin World ah a chim.
Kalay-Waibula lampi cu a bi i chuk cho zong a tam caah lampi kal nak in caan a rauh deuh leng ah a caan ah cun nihnih tiang rauh caan zong a um tiah a chimchap.
