Ralhraang hna nih hramhram in uknak an laak nak ni (1,000) a rauh ah Myanmar ramchung hmunkip in nunnak a liam mi mizapi minung (4,162) an si tiah AAPP thanh mi cazin ningin theih a si.
AAPP nih chuahmi cazin cu 2021 February 1 in 2023 October 31 tiang a si.A nunnak liam mi(4,162) chung ah hin Nu (630) le kumtling lo hngakchia (476) an i tel i ralhraang nih an tlaih hna hnu ah an thah mi minung (1,507 ) an si tiah an langhter.
Uknak laak a si hnu in mizapi nunnak a liam mi an tam cem nak hmun hi Sagaing ramthen ah a si I minung (2,000) deng an si i Mandalay,Magway,Yangon le Bago ramthen hna zong hi ralhraang kut in mizapi a thi mi an tam nak hmun an si hna.
Cu lawng siloin uknak laak hnu in tlaihkhih a tong mi minung (20,000) leng an si tiah an langhter . AAPP nih kan langhter mi nak in a thi le tlaih a tong mi hi a tam deuh kho zong a si bantuk in a tlawm deuh kho zong a si tiah an langhter chih.
