Hlaing Thayar ah SAC ralkap nih cycle 1 cu an kah
Yangon ramthen,Hlaing Thayar peng,Kyansittha lam pi,Shwe Linpan hlei tum nak ah July 18 zaan 11 ah check ding in an dir ter hna nain an dir lo caah an kah hna.Cu cycle cung ah a tel mi Ko Wei Yan le Ko Toegyi cu an nunnak a liam tiah theih a si.
July 18 zaan 9 hrawng ah Hlaing Thayar no.6 sang nawl ngeitu bik Kyaw Soe Tun le inn 100 bawi Po Htoo an thah hna i cu hnu ah cun Hlaing Thayar peng zapi cu an phih dih i an check hna.Cu an checknak ah cun Ko Wei Yan,Ko Toegyi le an hawi 1 cu cycle 1 in an ra,SAC ralkap nih check ding in an dir ter hna nain an dir lo caah an kah hna hi a si.Cu an kahnak ah cun Ko Wei Yan cu a lu ah an khen i a nunnak a liam colh,Ko Toegyi hi a paw ah an khen i siizung ah a nunnak a liam i pakhat cu a luat tiah theih a si.
Cycle 1 ah minung 3 an i cit caah cycle an dir ter hna ah hin an dir ngam lo hi a si.Hlaing Thayar ah cycle 1 minung 2 cit lo ding in an khamh.An dir lo ruang ah an kah hna i 3 chung ah 1 cu a luat tiah khua mi pakhat nih a chim.(Crd.Khit Thit Media)
