Hlaing peng ah ralbawi Aung Nai Phyo le Ju Ju Aung nu/va meithel in an kah hna i an thi
Yangon ramthen,Hlaing peng, sang (2) ,lam no.9 ah ralbawi Aung Nai Phyo le Ju Ju Aung nu/va hna cu mawtaw in an i chawh lio ah meithel in an kah hna i an thi tiah khua mi sinin theih a si.
Bayin Naung lam no.(4) ah a um ralbawi Aung Nai Phyo le Ju Ju Aung cu mawtaw in an i chawh lio ah Bayin Naung lam no.9,apartment no.18, a khaan no.12 hmai an phak ah minung 2 nih a neih tein an kah hna caah ralbawi Aung Nai Phyo le Ju Ju Aung i an hngawng le an hnakhaw an khen hna i an thi tiah SAC ralkap thawngtial News of Myanmar nih a thanh tiah theih a si.
“Tuzing 9 ah a si.Mah hlan cu dalan an si tiin kan ruah.SAC ralkap lei in thawng a rak kai long ah ralbawi nu/va an si ti kan theih.A va cu mawtaw chung ah a thi colh.An nu bel hi mawtaw chung ah a thaw cu tang rih nain a thi tam tuk a chuak cang caah a thi lai tiah kan ruah.Palik le ralkap tampi an rak phan” tiah khuami pakhat nih a chim.
Anonymous Urban Guerrillas phu nih tuni July 18 ah SAC ralkap kut tang ralbawi Aung Nai Phyo cu Hlaing peng, sang (2),lam no.9 ah kan thah tiah cathanh an chuah.(Crd.Khit Thit Media)
