Chin ramkulh Hakha khualipi ah SAC ralhraang nih VPN a hmangmi an check hna i an tlaih mi hna cu kawlram phaisa sing 30 an liamter hna tiah theih a si.
A luancia zarh thok khan SAC ralhraang nih Hakha khuachung ah i chawk in VPN a hmangmi chekhlat nak an tuah tiah theih a si.
“Aliam cia zarhkhat tluk khan check hram an rak thok.nizan tihni hrawng an fak deuh in an van tuah.Hakha khuachung ah SAC ralhraang cu motor 5 in an i chawk i an duhnak poah ah cheknak an tuah.a tam u cu pa deuh hi an chek hna.mizapi cu an chek kho ve lo. Mah i vanchiat ah tlaih a tongmi cu phaisa sing 30 an liam ter hna” tiah khuami pakhat nih a chim.
SAC ralhraang nih hramhram in uknak a laak sinin kawlram chung mizapi nih hman ngai mi Facebook le a dang social media hna cu an rak phih i,Facebook hman khawh nak dingah VPN denh a hauh nak hi a si.
SAC ralhraang hna nih cun Facebook Aiawh ah My Space le Youtube aiawh ah M Tube hna cu hmang dingin tuluk bawmh nak in an ser cuahmah nain nihin tiang cu an hlawh a tling rih lo.
