Atu lio Chinramkulh, Thantlang peng chung in Zophei,Lautu,Mara tlaangthluan le Matupi peng hna nih eidin le thilri dang dang luh chuahnak ah hman mi kawl lei in Rezua khuapi pehtlaihnak lampi cu a min pah len cu cu lam remhnak ah phaisa a herh ngai tiah theih a si.
Zarh thum chung tluk pehtlai in ruah a sur caah Gangaw-Rezua pehtlaihnak lampi zei maw zat cu a cim i motor kal nak a har ngai tiah theih a si.cu leng ah Hakha –Matupi lampi cung i Rezua le Aika karlak,Siatlai –Ludaw karlak zong remh cuahmah a si.
Gangaw-Aika lampi cu a luancia May 2 khan JCB 2,Excavator 2 le motor hna in siam a si i phaisa kyats sing 400 leng a dih i June 25 ah khan an lim.lam siam cia mi zohkhennak ding le a ttang rih mi lam pawl remh dingah phaisa a herh ngai ngai tiah theih a si.
“lam remh nak ding ah hin sing 100 tluk cu kan herh rih ko,lam a cim mi tete remh nak he cun 150 tluk a hau rih.phaisa in rian tuan mi a si tik ah phaisa zohchih in rian tuan a hau ko.” Tiah lam remh nak i rian ngeitu Salai Thomas nih a chim.
