Depeyin peng Naga Khua SAC Ralkap Nih An Khangh Inn 52 Ciam
Sagaing ramtthen , Depeyin peng Naga khua cu May 22 ah SAC ralkap nih an khangh caah inn 52 a ciam tiah khuami hna nih an chim.
SAC ralkap hna cu, cu ka khua ah cun May 22 ah umhmun khuar in an um i, mipi umnak inn hna cu an duh paoh in an hrawhleng ah mei an khanghpiak hna tiah theih a si.
” Naga khuachung mipi umnak inn 52 an khangh, khuami tamdeuh cu khuachung ah kir in mei an that, SAC ralkap hna nih mei an khanghning hi inn khat hnu inn khat in an khangh” tiah tualchung mi pakhat nih a chim.
SAC ralkap hriamngan kahnak ruangah khualeng Caw inn 2 cu a rawk i Caw 3 an thi tiah theih a si.
