Depayin peng,Methei(မဲသည်)khua pawng kah dohnak ah SAC ralkap 12 hrawng an thi
Sagaing ramthen,Depayin peng nitlak lei meng 2 hlat ah a um mi Methei(မဲသည်)khua pawng ah Depayin peng in a chuak mi SAC ralkap 40 hrawng cu July 7,zaanlei sml 6:30 hrawng ah mipi vengtu pawl nih an doh hna tiah theih a si.
SAC rallamsial hi thazaang 40 hrawng an si.Depayin peng in an chuak ti kan theih bak in Methei(မဲသည်) le Waba(ဝဘာ) khua kar ah kan hngah hna i kan doh hna hi a si.SAC ralkap 12 hrawng hi thih dawh an si.SAC ralkap ruak 6 bel hi tu zinglei tiang an rak la hna lo.Thazaang 40 ah 12 hrawng an thi i 5 hliamhma fak an hmu caah hmai lei zong kal ngam lo hnu lei zong kir ngam lo an si tiah,DRPA phu chimnak nawl ngei tu nih a chim.
Cu kah dohnak ah DRPA, major Motesate(ဗိုလ်မုတ်ဆိတ်) le FRF phu(Shwebo pengkomh battalion(24),Shwebo pengkomh(12),le Galaxy Force le Depayin mipi vengtu phu pawl i fonh in kan doh hna tiah an chim.(Crd.မောင်း)
