Cozah nih Chin ramkulh Kanpetlet peng Aye Chaung Ramhual timi hrikulh in ramhualnak Planing tuah ai timh mi cu Chin ramkulh ah 2020 thimnak a lut ding Chin party a simi CNLD nih fak ngai in a doh. Hi ramhual kauhnak ahhin Ekah 52,000 chap ding ah cozah nih an i tim tiah theih a si.
Hi kong he pehtlai in CNLD Party nih cathanh an chuah i, “Planing tuahnak ah khuate 17 telh chih a si leng ah, cu ka hmunhma pawl cu tualto ramngeitu miphun hna nih an pupa chan in phung le lam he an rak dinei mi ram a si i, an kilven in an rak ngeih mi a si” tiah an thanh.
Tutan ah cozah nih Simaking a tuahmi nih tualto mipi hna khuasaknak a hnursuan nak, vawlei le ram an sunghnak zong a um kho mi a si bantukin, Myanmar ramkomh cozah nih min a thutmi ramngeitu miphun hna an covo kong he pehtlai in UN cathanh kong theihter nak, mah te biakhiah khawhnak le hnatlak tti nak timi (FPIC) he zong ai ralkah tiah an thanh chih.
CNLD Party nih Kanpetlet peng ah cozah nih ramhual a kauh dingmi kong ah Chin nunphung he ai ralkah in an tuahmi Aye Chaung Ramhual hi mipi lei nih raltha tein rak thlauh hna u tiah Kanpetlet CNLD Party nih thawngthanhnak a tuah.
Source: CNLD
