Chinram, Pengkulh 4 Ah Sianginn An On,Sianghngakchia Thonhhra Renglo Sianginn An Kai
November 1 thok in ralhrang nih fimcawnnak sianginn an on hna i Chinram chung pengkulh 4 zong ah sianginn an on hna, Pengkulh 4 chung ah siangngakchia thong 10 renglo sianginn an kai tiah theih asi.
”Tu hi Sianghngakchia thong 10 renglo lawng sianginn an kai,Kum dangahcun tingkhat le thong 30 (130000) hrawng ansi tawn. Nikum zong Covid ruangah sianginn kailo asi, Tukum le ral ruang ah hi tin a si tthan ko ”tiah fimcawnnak zung rianttuantu minlanghter a duh lomi pakhat nih a chim.
Chinram chung pengkulh in sianginn kaimi hna cu, Tedim peng (1782), Tonzang peng (4289) , Matupi peng (17) le Paletwa peng (4963) hna ansi i Mindat, Kanpalet, Thnatlang, Hakha le Falam peng hna ahcun sianginn kaimi pakhat hmanh an umlo.
Kumdang ahcun Chinram Sianghngak hi tingkhat renglo ansi peng nain Ralkap nih hramhram in uknak a lak hnu in Sianginn kaimi 11051 lawng ansi tiah Chinram fimcawnnak zung sin in kan theih.
Ref: Khohnumthung
