Chin ramkulh himnak hmun ah NUG hruainak in sianginn pawl an awn
NUG hruainak in himnak hmun ah a phan mi sianghngakchia pawl cu CDM tuah mi saya/mah te nih June khan thokin sianginn an kai tiah,saya/mah te sin in theih a si.
Himnak hmun ah a um mi sianginn cu nawl ngei tu sin ah kan hlan i fimnak kan chimh hna i a kai mi sianghnakchia an tam tiah CDM saya/mah cheukhat nih an chim.
Hi hmun i sianghngakchia pawl hi Mizo sianginn zong ah ca an cawng caah an sianginn khar can nirukni ah kan chimh hna.Cu kan chimh mi hna subjects cu Myanmar, Mathematic, le English hi a si.Saya/mah zung khaan a um lo caah i dinh caan ah harnak a um pah tiah an chim.Cawnnak he peh tleih in Mizo ram,Sailam lei ah cun a tlamtling tiah,CDM saya pakhat nih a chim.An chimh mi hna hi KG in tang 8 tiang an si i thla 4 voikhat in camipuai an tuah hnik ,tang 9 le tang 10 zong hi chimh khawh ding an i zuam hnik tiah theih a si.
Cun Mizo ramkulh,Lunglei peng, Lawngtlai peng le a dang ralzam umnak zong ah sianginn awn kawh kan i zuam lai tiah tuanvo ngeitu saya pakaht nih a chim.
Sailam peng ah cun ca an cawn tawn ning tein an kal kho, Lunglei peng,Lawngtlai peng le a dang ralzam umnak bel ah hin sianginn awn khawhnak ding ah tuanvo ngei tu sin ah sianginn hlan le a dang a herh mi vial te kan timh tuah dih cang.CDM saya/mah pawl zong an tam caah cawnnak lei ah hin harnak um theng lo.Nirukni le a dang sianginn khar pawl ah an chimh hna.Nu le pa lei zong nih kan tel pi uh tiah kan in sawm hna tiah,cu sianginn i tuanvo ngeitu saya pakhat nih a chim.
Himnak hmun a phan mi CDM pawl cu an har ngai.Cun sianghngakchia pawl ca chimhnak he peh tleih in bawmhnak lahkhah a um rih lo tiah saya/mah te nih an chim.
Chin ramkulh,peng a cheukhat ah cun SAC nih an awn mi sianginn ah a kai mi sianghngakchia nak in NUG hruainak in an awn mi sianginn ah a kai mi sianghnakchia an tam deuh tiah CDM saya/mah a cheukhat sin ah theih a si.(Crd.Ayeyarwaddy Times)
