Mizoram in Myanmar (Rakhine) lei eidin a lut mi konghe pehtlai in Central YLA (Central Executive Committee Meeting ) cu nihin June 24 ah tuah a si i Rakhine hriamtlai AA nih CYLA bia a ngeih lo caah eidin an laak nak lampi cu nihin June 24 thok in khar a si kong CYLA lei nih cathanh an chuah.
Mizoram in Myanmar lei ah thilri luhpi a si tawnmi hi tha te’n a kherhhlai cikcek hnuah Rakhine lei in Lawngtlai i thilri la mi hna nih mizapi eidin caah a thathnem pi hna ti kan ruah lio ah Kan Chin unau khuachak hna he an i kap, hi eidin an lakmi zong hi Arakan Army an thazaang thawnnak caah an hman ti kan theih, hi bantuk hi cu a tha lo ngai tiah kan ruah.
Arakan Army pawl hi Chinmi he i kahnak ngol dingin voi tampi nawl an si nain le cu nawlnak cu CYLA lei zeihmanh bialehnak an kan tuah lo caah le kan ramchung ah hriamnam keng in an lut theo ti kan theih, hihi a tha lo ngai ngai tiah an langhter.
Cucaah 2024 Pur 24 thawk in bianolh a um hlan chung paoh cu Myanmar ram (Rakhine ah) thilri luhpi a khap. Hi chawlehnak lam a zulmi Mizoram mizapi kan hmalaknak hi ram le miphun caah a si ti kan hngalhpiak u tiah CYLA nih cun an langhter.
Ramri ah a um Lawngtlai le Siaha District mizapi zong nih hi nawlpek hi zul in hma rak la cio u, tiah Central YLA nih 2024 Pur 24 ah cathanh an chuah hi a si.
