Myanmar (CBN News) : Kawl ralkap nih hram hram in cozah nawlngeihnak an laknak he pehtlai in mipi nih kawl ralkap doh-aunak lam an zawhnak ah kawl ralkap nih mipi lam zawhmi hna cung ah sual a chuah ah cun United Nations thinhunnak Kawl ralkap cung ah thlêt a silai tiah ralkap tlerhkhanhnak UN nih thawng an chuah.
UN Special envoy a simi, Christine schraner Burgener nih Myanmar ralkap general hna chonhbiaknak a ngeihnak ah mipi lam zawhmi hna cu an aunak upat piak ding in a chimh hna, cawn nikhatni zan i internet service donghtermi zong nizan ah khan on than a si cang.
Ralkap leinih thawng an thanh ningah ralkap hruaitu hna dohtu cu hremnak pek an silai, ralkap riantuan kho lo i tuahtu cu kum 20 chung thawng thlak an silai i, ralkap doh ding i forhfialtu cu kum 3 in kum 7 tiang thawng thlak khawh an si tiah thawng an rak thanh.
Asistance Asociation for Political Prisoners (AAPP) nih an langhter ning ah kawl ralkap nih nawlngeihnak hram hram i an lak hnu ah minung 426 tlaih an si cang i i nung 391 thawng inn ah khumh an si cang tiah an langhter.
General Zaw Min Tun nih a chim ning ah ralkap nih hi bantuk in nawl ngeihnak kan tlai peng lai lo, cozah i thimnak a um lai i teinak a hmutu cu cozah nawl ngeihnak cotu an silai tiah a chim.
CBN News
