CBN News : Myanmar ram in Mizoram ah chaw a let mi hi Kawl miphun nak in Chin miphun kan si deuh tawn, Chin miphun nih Mizoram ah zuarding thilri an luhpi tawn mi hi Mizoram custom Duty pawl nih Fee an rak koh tawn.
Hi kong he pehtlai in 2020-2021 Mizoram cozah Budget session assembly meeting ngeih nak ah Mizoram cozah nih ngunkhuai a lakning cu Taxation Minister Lalchamliana sin ah biahalnak tuah a si i Mizoram Taxation Minister nih “Myanmar heofficial te inchawleh pehtlaihnak hnatlaknak ngeih a si lo ruangah Myanmar in Mizoram ah an vun luhpi mi thilri ngun khuai lak khawh a si lo” tiah a chim.
Ttaihkhanzi party lei nih an langhter mi Myanmar in Mizoram ah thilri zuarding an luhpi mi, mizoram luhka Zokhawthar khua le Aizawl khualipi phanh lai Seling khua ah Mizo custom duty hna nih fee an rak cawiter tawn timi kong he pehtlai in Taxation Minister nih cozah official theihpinak tello thil tuah mi ah a puh.
Minister Lalchamliana nih a chim ning ah “Myanmar le Mizoram hi official te in chawlehpehtlaihnak hnatlaknak kan ngeih lo ruangah Myanmar in Mizoram ah thilri a lutmi ngunkhuai lak piak an si loh, Zokhawthar le seling ah custom duty pawl nih fee an rak cawiter tawn mi hi thil dik lo a si tiah official lei nih voi tam pi an langhter cang” tiah Minister nih Assembly session hmai ah a chim.
CBN News
