India Bike zalawng te i Myanmar ramchung luhpi khawhnak Border pass ser a si lai

February 28th, 2:44am February 28th, 2:44am

CBNChin Broadband Network

Asian

India Bike Kawlram chung i luhpi khawhnak Border pass ser a si lai i Kawlram Bike Mizoram chung i a lut mi paoh tlaih viar an si lai.

Ministry of External Affair Khuakhannak in India Bike, Mizoram in Rih dil tlawng ding i Myanmar ramchung luh a duh mi paoh zalawng te in Kawlramchung an luhkhawhnak ding Border Pass pek an si lai i hi Border Pass hi Mobile Phone zong ah i save i Myanmar Border Security hna sin ah an piah ah cun zalawng te in India Bike Myanmar ramchung ah an luhpi khawh nak ding Border pass tawlrel cuahmah lio a si.

Hi lio ah China chuak 125 Kenbo..etc..ti bantuk Myanmar in Mizoram chung ah a lut tawn mi hna cu phih kham viar an si lai, Hi tuanvo hi Mizoram Border security, Assam Riffle nih tuanvo an lak lai i Mizo border kiangkap Myanmar khuate hna nih Mizoram tlawnnak i an hman tawn mi China chuak ke hnih ngei 125 phun hrim hrim Mizoram chung i aa luhpi mi paoh tlaih viar an si lai i Mizoram Palik kut ah pek an si lai.

Cu hlan ah cun Falam peng, Rihkhawdar lei mi nih khin 125 Motor Cycle hi Mizoram District khuapi Champhai tlawnnak tiang hmanh in an rak hman.

Hi pin ah Mizoram in Kawlram chung ah luhpi tawn mi kawmdawm (Chemical fertilizer) zong Myanmar ramchung ah luhpi khap a si cang lai.